Policia italiane ka shkatërruar një grup shqiptar që merrej me trafikun e drogës. Në pranga kanë rënë 4 shqiptarë të moshave 29, 30, 31 dhe 54 vjeç.
Një i pestë, 21-vjeçar, nuk është kapur ende dhe mësohet se ndodhet në Shqipëri. Të gjithë të arrestuarit ishin me dokumente të rregullta dhe për këtë arsye e kanë pasur më të lehtë për të kryer aktivitetin e paligjshëm.
Operacioni për shkatërrimin e këtij grupi u quajt “Bisha” dhe mësohet se janë sekuestruar në total 800 kilogramë hashash, me një vlerë në treg rreth 2 milionë Euro.
Sipas autoriteteve qendra e operimit të shqiptarëve ishte Rimini dhe e kanë ushtruar aktivitetin prej vitit 2020 deri më sot. Në krye të këtij grupi ishte 29-vjeçari i arrestuar të mërkurën.
Ky grup kishte lidhje edhe me një sai të madhe hashashi të kapura në Mars. Dyshohet se shqiptari e blinte drogën nga Spanja. Po ashtu e lidhin grupin edhe me disa sasi të tjera të kapura përgjatë 2020-ës dhe këtij viti.
/a.r
