Kryeministri i Serbisë, Aleksandërr Vuçiç ka zhvilluar një bisedë telefonike me kryeministrin e Shqipërisë, Edi Rama.
Siç raporton B92, Vuçiç në bisedën me Ramën ka konfirmuar vizitën e tij më 27 maj, që shënon edhe vizitën e tij të parë zyrtare në Shqipëri.
Vuçiç dhe Rama janë takuar kohë më parë në Bruksel, ndërsa kryeministri shqiptar vizitoi Beogradin në fillim të nëntorit të kaluar.
Vuçiç në Sarajevë kishte konfirmuar vizitën e tij në Tiranë, ku kishte thënë se do të shkojë në kryeqytetin shqiptar për të penguar zgjerimin e dhunës, pas sulmeve në Kumanovë.
