Gjykata për Korrupsionin dhe Krimin e Organizuar ka lënë në burg Klodian Kapedanin, i arrestuar me kërkesë të Prokurorisë së Posaçme për veprën penale “Korrupsion aktiv në zgjedhje”.
Mësohet se para togave të zeza, ai ka deklaruar se bisedat janë zhvilluar kryesisht me bashkëshorten e tij.
Ndërkohë Kapedani i kërkoi gjykatës masë më të butë sigurie se arresti në burg me argumentin se ka një vajzë të vogël 2-vjeçare të sëmurë, për të cilën tha se duhet të përkujdeset, kërkesë e cila nuk iu pranua.
Të premten e kaluar ai u arrestua pasi Prokuroria e Posaçme e akuzon për blerje votash në Kavajë në emër të koalicionit Berisha-Meta, teksa u zbulua nga përgjimet telefonike.
Këto përgjime kryheshin për shkak të një hetimi për vepra të tjera penale që nuk lidhen e shit-blerje votash dhe Kapedani doli rastësisht në to.
/a.r
