Bilanc tragjik nga moti i acartë që ka përfshirë vendin prej disa ditësh. 3 persona kanë humbur jetën vetëm ditën e mërkurë, duke e çuar në 7 numrin e personave që kanë humbur jetën si pasojë e kushteve atmosferike. Mes viktimave është edhe një i mitur 12-vjeçar i cili humbi jetën në liqenin e Kasharit ku po luante me motrën e tij 15-vjeçare e cila ka shpëtuar. Viktimë ka mbetur shtetasi F. Gurakuqi.
Viktimat janë shënuar në Pogradec, Fier dhe Tiranë. Një 38-vjerçar nga Pogradeci u gjet i vdekur në banesën e tij ku jetonte i vetëm. Viktimë ka mbëetur shtetasi Anastas Shuka, i cili sipas të dhënave ka humbur jetën për shkaqe natyrale.
Viktima e dytë është shënuar në Fier ku një person është rrëzuar aksidentalisht në një rezervuar të ngrirë. Ngjarja ka ndodhur në fshatin Petovë ku viktimë ka mbetur 40-vjeçari Hajredin Xhela. Ai po ecte në rezervuarin e ngrirë por papritur akulli u thye dhe ai u mbyt në liqen.
Në të njëjtën mënyrë ka humbur jetën edhe 12-vjeçari F. Gurakuqi në Tiranë. I mituri po luante në rezervuarin e Kasharit por thyerja e akullit i mori atij jetën. Bashkë me të ishte edhe një 15-vjeçar që mundi të shpëtojë.
Gjatë ditës së djeshme në Korçë gjeti vdekjen Ilia Lifo, i cili jetonte i vetëm pas divorcit.
Mëngjesin e së hënës, u gjet i vdekur roja e një pallati në Lushnje. Kanë qenë familjarët ata që kanë gjetur trupin e pajetë të 51- vjeçarit Bashkim Çepa në vendin e tij të punës.
Ditën e diel në Sarandë, po prej të ftohtit ndërroi jetë Leonard Beqiri 54 vjeç, i cili u gjet në një banesë të braktisur.
Ndërkohë gjatë së shtunës u shënua viktima e parë në Durrës, prej të ftohtit. Arben Sulo, 38 vjeç, banues në Durrës, u gjet i pajetë gjatë së shtunës në lagjen Nr.17 të qytetit bregdetar.
/a.m.
