Dogana mbetet sërish në vëmendje të kryeministrit Edi Rama i cili i’u drejtua sërish sot zyrave të Drejtorisë së Përgjithshme në kuadër të zhvillimit të bilancit për vitin 2015.
Në takimin e zhvilluar pa praninë e mediave, mësohet se janë të pranishëm edhe minsitri i Financave Shkëlqim Cani si dhe minsitri i Ekonomisë Arben Ahmetaj.
Kryeministri dhe ministrat u pritën nga drejtoresha e Doganave Pranvera Fagu.
Gjatë kohëve të fundit Rama ka qenë mjaft kritik me Doganën, pasi të dhënat kanë treguar se nuk janë përmbushur prishmëritë për mbedhjen e të ardhurave, çka bënë që në fund të vitit të shkuar të largoheshin disa prej drejtuesve më të lartë.
Nuk dihet nëse do të ketë ndryshime të tjera në zinxhirin drejtues pas vizitës së sotme të kryeministrit në administratën doganore.
