Një zjarr masiv ka përfshirë gjatë orëve të pasdites fshatin Fushë-Bardhë në Gjirokastër.
Korrespondentja e Panorama.al raporton se flakët janë përhapur si pasojë e erës, ku një sipërfaqe e konsiderueshme toke është djegur.
Mësohet se flakët kanë përfshirë edhe një shtëpi të vjetër, e cila fatmirësisht është e pabanuar.
Në vendngjarje kanë mbërritur menjëherë forcat zjarrfikëse, dhe kreu i drejtorisë Pëllumb Shalari.
Ndërkaq për shuarjen e flakëve kanë ndërhyrë edhe banorë të zonës.
