Politikat e migrimit të kancelares gjermane, Angela Merkel kanë shkaktuar sërish ulje të mbështetjes ndaj shefes së qeverisë, në 46 për qind, më e ulta që nga gushti i vitit 2011, doli pas një sondazhi për llogari të transmetuesit publik, ARD.
I bërë publik dje në mbrëmje, sondazhi i kryer nga e përmuajshmja ”Deutschlandtrends” tregoi se mbështetja publike për Merkelin ka rënë 12 pikë përqindje që nga muaji janar.
Të paktën 81 për qind e të pyeturve thanë se qeveria e Merkelit nuk kontrollon dot më fluksin e refugjatëve, të cilët gjatë vitit 2015 ishin 1,1 milionë.
Edhe në gjirin e partisë së saj, CDU, mbështetja për Merkelin ka rënë katër pikë përqindje.
