Sott u konstituua Këshilli Bashkiak i Klosit si dhe u betua kryetari i bashkisë Ilmi Hoxha.
Në ceremoninë e zhvilluar në bashkinë Klos, merrte pjesë edhe prefekti i qarkut Dibër, Nexhbedin Shehu.
Pas betimit të anëtarëve të Këshillit Bashkiak emër për emër dhe zgjedhjes së kryetares se Këshillit Bashkiak, Valbona Kola, është betuar dhe kryetari i ri i bashkisë Klos, Ilmi Hoxha.
Në fjalën e tij, kryetari i bashkis Klos, Ilmi Hoxha tha se “sot, ju premtoj qytetarëve që së bashku me këshillin bashkiak nuk do të zhgënjej besimin e datës 30 qershor”.
Duke iu drejtuar Këshillit Bashkiak, Hoxha tha se keni një mision të rëndësishëm për t’i bërë gjerat drejt dhe ashtu siç duhen dhe i do komuniteti.
Nga sot, kryetari i ri i bashkisë Klos është zyrtarisht në detyrë, duke kaluar pushtetin lokal të Klosit, Partisë Socialiste, pas dy mandateve të mbajtur nga PD.
/a.r
