Zona e Godoleshit është ndër prodhuesit më të mëdhenj të qershive në vend, ku çdo vit qarkullojnë më tepër se 10 mijë kuintalë.
Qershia është burimi kryesor i ekonomisë së rreth 500 familjeve, të cilët pavarësisht tregtimit të këtij produkti e kanë të pamundur të përmbushin kërkesat e tyre. Shkak është çmimi i ulët i shitjes së qershisë, e kjo vjen si pasojë e blerësve, të cilët në një farë mënyrë e zhvlerësojnë produktin.
“Prodhimi është super, është shumë i mirë, ka shumë mall tregu, shikoje. Si është çmimi? Tek 80-90 -100, e patëm shitur 300-350 lekë, nuk ja vlen të marrësh argat, do 30 mijë lekë argati. Ai do vjelë dy arka 30 kg, nuk ta leverdis. Vijnë tregtarët, ata tallen me ne 70-80, ata i shesin me 200 në Tiranë, me 500 mijë”, thotë një shitëse.
Godoleshi prodhon disa varietete të ndryshme të qershisë, ndërsa e preferuar mbetet qershia e Elbasanit për shkak të ëmbëlsisë së saj.
“Mbarohen tonat këtu? Është me tonelatë qershia. Këtu vijnë 8-9 furgona që marrin nga 100 arka përditë”, shprehet ajo.
Tregtarët nga ana e tyre i bëjnë thirrje shteti për ndihmë.
Qendra e fshatit Godolesh përgjatë mesditës shndërrohet në një treg, ku banorët shesin produktet e tyre, por sërish fitimet janë të pamjaftueshme./a.m. (euronews.al)
Nuk e kane fajin tregtaret por ju vet! Hapni pike grumbullimi dhe dyqane ne Elbasan dhe Tirane dhe i shisni vet pa qene nevoja per tia shit tregtarit,bile dhe nje punishte te vogel per prodhimin e recelit te qershise dhe fitimet do jene me te medha per ju