Ka shkuar në 90 numri i viktimave nga sulmet terroriste të ISIS në aeroportin e Kabulit mbrëmjen e djeshme, ndërsa 150 persona kanë mbetur të plagosur.
Mes viktimave, të paktën 13 janë ushtarë amerikanë, ndërsa Presidenti i SHBA, Joe Biden është betuar për hakmarrje ndaj sulmuesve, duke thënë se ‘do t’ju ndjekim këmba këmbës’.
Kjo, pasi SHBA paralajmëroi se mund të vinin më shumë sulme, me komandantët amerikanë që thanë se ishin në gatishmëri për raketa të mundshme ose bomba të transportuara nga automjetet që synonin aeroportin
Evakuimi i civilëve tani është përshpejtuar pas sulmeve, ndërsa SHBA ka paralajmëruar për të tjera sulme me raketa apo bomba që synojnë aeroportin e Kabulit.
/b.h
