Nismat ligjore për të ndryshuar procedurën e betimit për anëtarët e Gjykatës Kushtetuese, por dhe Prokurorit të Përgjithshëm, magjistratëve të rinj dhe gjyqtarëve të Gjykatës së Lartë, kreu i Komisionit të Ligjeve, Ulsi Manja thotë së është një mekanizëm zhbllokues që shkon përtej përplasjes aktuale me Kreun e Shtetit.
Por Ulsi Manja lë të kuptohet se propozimet që pritet të futen në muajin Janar në kalendarin e punimeve të komisioneve, mund të pësojnë të tjera ndryshime.
Tv Klan mësoi se formula e betimit mund të mos bëhet në formë shkresore siç propozohet nga 3 deputete socialist, por ne rastin e gjyqtarëve kushtetues, nëse kreu i shtetit brenda 10 ditëve nuk e zhvillon ceremoninë e betimit, atëherë pas këtij afati ky betim të mund te zhvillohet në Gjykatën Kushtetuese.
Dhe po ashtu dhe për institucionet e tjera që kanë këtë detyrim në rast se nuk e respektojnë, kjo ceremoni te zhvillohet në institucionet e emërtesës.
Maxhoranca vazhdon të këmbëngul se Arta Vorpsi është anëtare e Gjykatës Kushtetuese edhe pse vete kjo gjykate nuk e ka njohur zyrtarisht atë. Por gjithsesi për të marrë një opinion te specializuar ata do t’i drejtohen komisionin të Venecias, kërkesë që do të zyrtarizohet javën e ardhshme. /e.s/
