Nderron jete edhe personi i trete i plagosur ne ngjarjen e djeshme në Athinë.
Burimet konfirmojne se ka vdekur shtetasi shqiptar i cili pasi doli nga mjeti “Audi” u godit nga nje makine ne ecje.
Mjeket konfirmojne se edhe ai kishte gjithashtu plage me arme zjarri, ndoshta nga shkembimi i zjarrit me mjetin “Mercedes-Benz”.
Dinamika e krimit:
Ngjarja nisi në Kato Patisia në Athinë, në orën 21.30 në kryqëzimin e rrugëve “Georgiou Nazou” dhe “Krotidou” janë konfliktuar verbalisht drejtuesit e dy mjeteve, të cilat lëviznin paralel. Një nga drejtuesit ka dalë nga mjeti dhe ka hapur zjarr ndaj drejtuesit tjetër duke e plagosur rëndë. Pasagjeri i mjetit në tentativë për të dalë nga mjeti dhe për të transportuar shokun në spital është goditur nga një mjet tjeter duke mbetur dhe ai i plagosur. Dy të plagosurit janë marrë nga ambulanca.
Autori i krimit ka braktisur mjetin dhe më armë në dorë ka ndaluar një mjet tjetër në rrugë dhe me kercenimin e armes ka nxjerre jashte shoferin dhe e ka marre makinën duke u larguar. Me mjetin e vjedhur ai është drejtuar për në Agious Anargirous duke tentuar të grabisë me armë një karburant. Aty braktisi mjetin e vjedhur dhe tentoi të largohet me këmbë. Ka pare makinen e policisë dhe ka kujtuar se ishte taxi. Por kur ka tentuar ta ndalojë ka parë që ishin policë ka hapur zjarr ndaj tyre duke i plagosur. Këta të fundit kanë kthyer zjarrin duke vrarë shqiptarin.
Dy efektivët e policisë mbetën të plagosur lehtë, nga të shtënat që morën, njëri në këmbë (kolegët e tij të cilët kanë shkuar me shpejtësi në vendngjarje kanë vënë një tunik për të ndaluar gjakderdhjen) dhe tjetri lart në jelek antiplumb në nivelin e shpatullave. Të dy janë transportuar me autoambulanca të EKAV-së në spitalin ushtarak 401.
/a.r
Masakër në Athinë! Vriten dy shqiptarë, plagosen tre të tjerë. Zbardhet dinamika e ngjarjes
