Aktorja dhe këngëtarja Bet Midler do të kthehet në Broadway në një version të ri të mjuzikëll “Hello, Dolly!” (Përshëndetje, Dolly). Producenti Scott Rudin njoftoi të martën performancën që ka premierën vitin e ardhshëm dhe tha se roli i Dolly, siç është shkruar, do të jetë për Bet Midler.
“Nuk ka pasur produksione të reja të kësaj shfaqje për 50 vjet. Pjesërisht për shkak se ishte e vështirë për të vendosur se kush do të luante Dollin. Ajo duhej të ishte dikush që të sillte personazhin në një nivel të ri. Bet është e vetmja që mundet,” tha Rudin. Dolly Levi në mjuzikëll është ndërmjetëse në një martesë, por përballet me një sfidë të madhe, kur një njeri-ters i pasur kërkon grua. Midler dhe Rudin prej një viti janë duke u marrë me shfaqjen. Midler ka marrë në shqyrtim, por edhe ka lexuar dhe shikuar çdo gjë që ka mundur, tha Rudin, duke shtuar se ata të dy po kërkojnë t’i japin personazhit ngrohjen, dëshpërimin dhe njerzillëkun. Premiera e “Hello, Dolly!” me Bet Midler do të jepet më 20 prill 2017.
