Besimtarët katolikë në të gjithë botën kremtojnë sot Pashkët. Besimtarët në kryeqytet iu drejtuan katedrales së “Shën Palit” në të shtunën e madhe ku u mbajt mesha e shenjtë.
Ndërsa, e diela për të gjithë besimtarët katolikë është dita e Ringjalljes së Krishtit. Pashkët janë kremtimi më i madh i kalendarit liturgjik të Kishës Katolike Romake dhe të kishave të tjera të krishtera që kremtojnë Ringjalljen e Jezusit të Nazaretit.
Meshën në Katedralen e Shën Palit e drejtoi Arqipeshkvi Mitropolit, Imzot Arjan Dodaj, i cili uroi besimtarët dhe kërkoi angazhimin e të gjitha strukturave shtetërore, sociale e mediatike për t’u vënë në shërbim të një horizonti më me shpresë për të rinjtë.
Kryeministri i Shqipërisë, Edi Rama ka uruar të gjithë besimtarët katolikë, Gëzuar Pashkët.
Ne rubrikën e tij mirëmëngjesi ne rrjetin social Facebook, kryeministri shkruan, “MIRËMËNGJES dhe me një urim të veçantë, për shumë vjet me zemër të mirë Pashkët”.
Festa e Pashkëve, është kremtimi më i madh i kalendarit liturgjik të kishës katolike dhe të kishave të tjera të krishtera që kremtojnë ringjalljen e Jezusit, e cila ka ndodhur sipas Besëlidhjes së Re, tre ditë pas vdekjes së tij në kryq.
/a.r
