Në mbështetje të ligjeve “Për marrëveshjet ndërkombëtare në Republikën e Shqipërisë”, dhe “Për huamarrjen shtetërore, borxhin shtetëror dhe garancitë shtetërore të huasë në Republikën e Shqipërisë”, të ndryshuar, me propozimin e ministrit të Shëndetësisë dhe Mbrojtjes Sociale dhe të ministrit të Financave dhe Ekonomisë, Këshilli i Ministrave miratoi sot, marrëveshjen e huasë, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për shtesën e financimit për projektin e modernizimit të asistencës sociale, me një hua në shumën 11 000 000 (njëmbëdhjetë milionë) USD.
Gjithashtu, me propozimin e ministrit të Bujqësisë dhe Zhvillimit Rural dhe të ministrit të Financave dhe Ekonomisë, Këshilli i Ministrave miratoi marrëveshjen për ndryshimin e marrëveshjes së huasë, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për financimin e projektit të burimeve ujore dhe ujitjes, ratifikuar me ligjin nr.89/2013.ATA.
