Nuk ka arsye për të kritikuar sulmet ndaj objekteve bërthamore të Iranit. Kështu tha kancelari gjerman Friedrich Merz në një konferencë në Gjermani, teksa theksoi se situata nuk mund të mbetej siç ishte.
“Nuk ka asnjë arsye për ne, ose për mua personalisht, të kritikojmë atë që Izraeli filloi një javë më parë dhe asnjë arsye për të kritikuar atë që bëri Amerika fundjavën e kaluar. Po, nuk është pa rrezik. Por ta linim ashtu siç ishte, nuk ishte një mundësi”
Gjermania ka qenë tradicionalisht një aleate e fortë e Izraelit dhe është shprehur vazhdimisht kundër programit bërthamor të Iranit.
Ndërkohë Sekretari I Përgjithshëm I NATO Mark Rutte tha se sulmet e Shteteve të Bashkuara ndaj Iranit nuk e kanë shkelur ligjin ndërkombëtar.
Ai theksoi se aleatët kanë rënë dakord prej kohësh se Irani nuk duhet të zhvillojë armë bërthamore dhe akuzoi Teheranin se është thellësisht I përfshirë në luftën e Rusisë në Ukrainë.
Mes rritjes së tensioneve në Lindjen e Mesme, ministrat e jashtëm të Bashkimit Europian u mblodhën në Bruksel.
Kryediplomati Italian Antonio Tajani bëri thirrje për negociata dhe I kërkoi Iranit të mos sulmojë bazat amerikane dhe të mos e mbyllë ngushticën e Hormuzit.
Ndërkohe shefja e politikës së jashtme e unionit Kaja Kallas theksoi gjithashtu rëndësinë që Bashkimi Europian po I jep diplomacisë.
Kallas tha se shqetësimet për hakmarrje iraniane pas sulmeve amerikane në centralet bërthamore janë të mëdha dhe paralajmëroi se mbyllja e ngushticës së Hormuzit nga Irani, do të ishte jashtëzakonisht e rrezikshme.
