“Historia e Gjermanisë është bukur unike”, thotë Ciaran Fahey. “Nuk besoj se ka po aq mbetje dhe shkatërrim në ndonjë prej shteteve të tjera të Evropës”.
I lindur në Irlandë, Fahey është fotoreporteri që e realizoi rrëfimin “Berlini i braktisur” –bazuar në librin me të njëjtin emër, shkruan CNN, transmeton “Koha Ditore”.
Fahey është i pasionuar pas eksplorimit të ndërtesave të braktisura të kryeqytetit gjerman, në ndjekje të kujtimeve që fshihen prapa mureve që i ka mbuluar ndryshku.
Udhëtimi nëpër kohë
“Gjithnjë kam qenë i afërt me fotografinë, për shkak se punoj si gazetar. Besoj se kureshtja ime është e natyrshme”, thotë Fahey, në deklaratën dhënë për rubrikën “Udhëtime” të CNN-in amerikan. “Mirëpo iu futa vërtet kësaj pune më 2009, me punën time në parkun e braktisur ‘Spreepark’, jo shumë larg qendrës së qytetit të Berlinit”.
“Spreepark” tani është vetëm fantazma e parkut të dikurshëm të lojërave – ku më herët mblidheshin për argëtim berlinasit lindorë. Ka hapur dyert për të parën herë më 1969, për nder të ditëlindjes së 20-të të Republikës Demokratike Gjermane, apo GDR, siç njihej zyrtarisht Gjermania Lindore. I mbyllur më 2002, tani ky park është një vend i frikshëm, i harruar, përgatiti Express. (b.an)
