Avokati Romeo Kara thotë se dosja “Partizani” do kalojë për gjykim, megjithëse po zvarritet nga kreu i PD, Sali Berisha.
Në një intervistë për “Ora e Fundit” në ABC News, Kara u shpreh se Berisha nuk duhet toleruar më.
“Mendoj që kjo zvarritje është lojë me procedurën nga vetë pala, duke përdorur avokatët. Nuk duhet toleruar dhe nëse pala e Berishës kërkon të kalojë përtej zgjedhjeve, unë mendoj se çështja do kalojë në gjykim. Është turp për drejtësinë shqiptare. Nuk mund të tolerohet deri në këtë pikë. Ne nuk duhet të merremi më me premtimet e Berishës, por çfarë ka bërë Berisha. Nuk merrem me bishta si Gjin Gjoni, një vegël e Berishës. Unë merrem me Berishën. Nuk mjafton termi korrupsion për Berishën. Është e palejueshme që ky person të flasë në këtë mënyrë”, theksoi ai.
