Deputeti i Partisë Demokratike, Sali Berisha, ka publikuar të dhëna nga një sondazh që nxjerr Halim Kosovën fitues. Publikimi në Facebook tregon se Kosova kryeson me 13 përqind më shumë sesa Veliaj në sondazhin që Berisha ka “zbuluar”.
“Te dashur miq, ne sondazhin e agjensise se pavarur NOA, ne te cilen kane votuar 100.414 shqiptare, kombi ka zgjedhur si kryebashkiak te tij, Dr. Halim Kosoven per te cilin kane votuar 47495 qytetare duke lene mbrapa me 13% ministrin e mireqenies personale, Erion Veliaj.” – shkruan Berisha referuar një sondazhi të publikuar në një portal lajmesh pranë të djathtës.
Ndër të tjera, ish-kryeministri shprehet se ky sondazh është përfaqësues dhe me nivel kombëtar. Por Berisha harron se një faqe interneti është e aksesueshme nga vizitorë nga e gjithë bota.
“Ky sondazh, qe botohet vetem nje dite pas sondazhit te hotel Dajtit eshte nje goditje fatale per kreret e “aleances se qelbesirave”, te cilet manipulojne ne menyre banale sondazhet dhe duan te mbajne me kurajo me dishmitare te rreme mbeshtetesit e tyre. Ky sondazh, me mostren me perfaqesuese ne nivel kombetar, deshmon se Dr. Halim Kosova eshte Kryebashkiaku i shqiptareve!! “ – e mbyll postimin ish-kryeministri.
