Dje në intervistën e tij në Top Story, Halim Kosova ka zgjidhur misterin më të madh në Tiranë në këto 4 vitet e fundit. Teksa fliste për ato që do të bënte për transportin urban në kryeqytet, pa dashje Dr. Halimi zbuloi të fshehtën e tramit të kryebashkiakut Basha, i cili është shprehur se e ka ndërtuar atë, pavarësisht pse qytetarët nuk e shohin dhe nuk e përdorin.
“Unë nuk kam fol dhe me shumë rezervë po ta them këtë që, dhe tashi që flasim, mua më kanë ofruar një tramvaj komplet dhuratë nga kryebashkiaku i një kryeqyteti europian. Por, e kam ndarë mendjen dhe nuk kam thënë fare se çfarë donacionesh apo ndihmash do të kem, për faktin se mund të interpretohet si fushatë elektorale dhe çdo llogari e kam bërë me buxhetin që faktikisht Bashkia ka”, zbuloi misterin ai.
Qytetarëve të Tiranës iu deshën 4 vjet për të kuptuar se në fakt trami do t’ju vijë dhuratë nëse Dr. Halimi zgjidhet kryebashkiak në 21 qershor.
