Sali Berisha zbuloi se fati i drejtuesve politikë në listat për zgjedhjet parlamentare do të caktohet nga Këshilli Kombëtar i Partisë Demokratike, duke përmbysur gjithçka.
Analisti Skënder Minxhozi ka thënë se Sali Berisha me këtë vendim do kontrollin e plotë mbi demokratët.
“Marrëdhënia e tij është mjaft komplekse me të gjithë ata që ai ka bashkëpunëtorë të ngushtë, pasi krerët e qarqeve janë bashkëpunëtorë të ngushtë të tij. Kam përshtypjen që duke zgjatur këtë agoni në lidhje me vendet që ata do të marrin nëpër lista, Berisha vijon kontrollin e plotë dhe total mbi çdo zë në PD, sidomos në periudhën kur partia se sa me opozitarizëm, është marrë me fatin e tij personal, politik. Pra, ka harxhuar energji me një çështje që nuk do të duhet ta shqetësonte në këtë prag zgjedhjesh.
Berisha kërkon që njerëzit në parti, përpara se ta marrin atë mandat dhe që duket se shumë prej tyre tregohen shumë të zellshëm në parlament ose nëpër foltore të ndryshme duke e mbrojtur, por e shkuara e tyre nuk ka qenë mjaft pozitive ndaj doktorit”, tha ai në “Tiranë Live”.
Sipas Minxhozit, Partia Demokratike është një parti pa vullnet dhe nuk ka asnjë plan bashkëpunimi me partitë e tjera.
“Këto orë dëgjova që edhe zoti Basha ka rregjistruar një subjekt të tijin elektoral. Mungonte vetëm ai që kaosi opozitar të ishte i plotë dhe i pathyeshëm, se ju kujtoj që PD sot nuk ka asnjë lloj plani ose vullneti të afishuar tashmë, që me partinë e reja që siç dihet bëjnë zhurmë dhe kanë disa vota eventuale. Me partitë e reja, PD nuk ka asnjë plan për bashkëpunim. Ndërsa me partinë e vjetra, dikur aleate të saj, ajo nuk ka gjithashtu marrëdhënie, kujtoj LZHK, Partinë Agrare dhe rënien e zhurmshme të asaj dikur ka qënë LSI dhe që thotë i mungojnë dyshja Meta-Kryemadhi. Opozita në këtë prag zgjedhjesh po bën gjithçka që nuk do të duhet të bënte”, shtoi ai.
