Kreu i qeverisë Edi Rama komentoi sot nga Rrogozhina deklaratat e ish-kryeministrit Berisha, që bëri thirrje të pezullohet vaksinimi me “Sinovac” për personat mbi 60 vjeç.
Sipas Ramës, Berisha bën thirrje qytetarëve për mos bërjen e vaksinës duke u thënë se ajo të vdes apo se është e skaduar, ndërkohë që Lulzim Basha nuk flet fare.
Sipas kreut të qeverisë nëse një gjë e tillë do të ndodhte në Partinë Socialiste, ai person që do të fliste kundër vaksinës nuk do të ishte më pjesë e skuadrës.
“Tashti Saliu është bërë shkes bashkë me Ilirin dhe Monikën dhe kanë nxjerrë një Gjino atje si fytyrë të re edhe thonë hajde t’i japim një nuse Gjinos. Nuk bëhet kështu. Shikoni se çfarë bëjnë! Si mundet t’i besohet fati i këtij vendi, e ardhmja e këtij vendi, një njeriu që është vënë aty si kukull. Një kukull që qesh, këndon këngët që ia mësojnë përmendësh, që gënjen pa asnjë gajle dhe s’ka kurajon të thotë asnjë fjalë, kur nga ana tjetër ai që e kurdis del e bën thirrje për mos bërjen e vaksinës.
Bën thirrje duke u thënë njerëzve se vaksina të vdes, se vaksinat janë të skaduara, janë të ndaluara atje ku janë prodhuar, se i vdesin 60-vjeçarët e sipër dhe ky tjetri s’flet fare, nuk thotë asnjë fjalë. Sikur të dilte një nga skuadra jonë të thoshte këto fjalë, ikte, dilte jashtë. Unë të rrija pa folur, e të bëja sikur nuk dëgjoja! Nëse doni që të ndërpritet vaksinimi shkoni dhe votojini asaj. Saliu thotë vaksina të vdes, ai tjetri Peço Vasili nuk ka lënë ditë pa thënë të kundërtën e asaj që duhet t’u thotë njerëzve. Vetëm zi, duke futur ankth, pasiguri, dyshim”, tha Edi Rama.
Kreu i qeverisë nuk kurseu as ironitë për opozitën.
“Ata duan që të ndalojnë të gjithë punët, vaksinimin, rindërtimin. Nuk e njihni ju Fatmir Mediun? Dash Shehin që dhe në televizor kur e shikon te ze rakia duke parë televizor. Të duken sustat e telekomandës si ulli, Shpërim Idrizin nuk e njihni, Mesilën, atë që do varte protestuesit te Palmat, po Nard Ndokën? Me këta do bëhen rindërtimin, vaksinimi, po gridaren, që këtu i keni. Po ca të shikojmë, se vetëm mallkojnë, shajnë dhe për ca, e pra është koha për të qëndruar drejtë dhe për të cuar në fund të gjitha këto përpjekjet. Më tregoni një herë që nuk e lanë më keq se nuk e gjetët. Thonë iu futëm në Nato, në Nato na futi Amerika”, tha Rama.
Rama u shpreh se sa herë Meta del në televizor flet me vete dhe një në tre fjalë thotë ‘burg’. Kreu i qeverisë tha se nuk e kupton pse Metës i rri mendja te burgu mirëpo këtë gjë le ta gjejë vetë.
‘Ilir Metës do ti jepni ju besimin se rri dhe flet me vete sa herë del ne televizor , 1 ne tre fjalë e ka burgu, burgu,burgu. Se pse i rri mendja te burgu le ta gjejë vetë.‘- tha Rama.
g.kosovari
