PD është shpresa e vetme për shpëtimin e Shqipërisë nga narko shteti i Edi Ramës i bazuar në krimin, drogën dhe vjedhjen e shqiptarëve”. Kështu u shpreh kreu demokrat Sali Berisha në protestën e shtatë të opozitës, duke theksuar se opozita provoi gaz lotsjellës dhe plumba gome në protestat e fundit, por ka dalë triumfuese.
“Sot ne mblidhemi këtu jo thjeshte si opozitë në këmbë kundër diktaturës me serialin më të fuqishëm të protestave dhe kryengritjeve, jo vetëm si alternativë e shkëlqyer politike, por mblidhemi këtu si shpresa e vetme për shpëtimin e Shqipërisë nga narko shteti i Edi Ramës i bazuar në krimin, drogën dhe vjedhjen e shqiptarëve. Jemi shpresa e vetme për Shqipërinë, është e qartë për çdo shqiptar, që do që ky vend të dalë sa më parë nga kjo lëngatë e keqe që po e shkatërron trupin e saj. E provuan seriali i fuqishëm i protestave më gjigande që ka njohur Shqipëria. Protestën e fundit u përballëm në rrugën e sheshet e Tiranës si të pamposhtur duke provuar ujin e helmuar, gazin lotsjellës, plumbat e gomës, por ne triumfuam”.
Në fjalën e tij kreu demokrat sfidoi gjithashtu kryeministrin Rama për debat, duke i bërë thirrje që të zgjedhë studion televizive dhe të përballet me të.
“Hajde në debat t’u faktojmë shqiptarëve se çfarë hajduti i pangoppur je. Koha jote ka marrë fund jep dorëheqjen!”
Berisha akuzoi qeverinë për rritjen e çmimeve dhe presion ndaj qytetarëve, duke shtuar se frika ndikoi në pjesëmarrjen e protestës kundë rritjes së çmimit të naftës.
“Një protestë e thirrur nga shoqëria civile kundër rritjes së madhe të çmimit të naftës, kur takës grabitqare të Ramës në litrën e naftës. Në orën e thirrur u paraqitën vetëm dhjetëra qytetarë. Absolutisht çdo shqiptar, pavarësisht nga bindet është prekur nga rritja e çmimit të naftës, a ka pakënaqësi midis shqiptarëve? Po ka dhe të mëdha shumë. Rrogat më të ulëta në rajonin tonë. Opozita e ka ngritur të mënyrë të pritur vitin e fundit dhe që banalistët, kriptoramistët e fshehin nga ju shkakun e asaj proteste, është frika të cilën ka ngulur gjer në palcë të shqiptarëve. Njerëzit nga frika nuk guxuan të dilnin në protestë për të mbrojtur interesat e tyre”, tha Berisha.
