Ish kryeministri Berisha ka komentuar incidentin e sotëm në parlament, duke thënë se reagimi i Flamur Nokës ishte i imponuar, pasi deputeti socialist Braçe ka ofenduar me sharje këtë të fundit. Në lidhje me proitestën e 18 shkurtit, Berisha tha se qëllimi i saj është nxjerrja e vendit nga pushteti i banditokracisë.
“Fillimi më i madh i misionit të forcave demokratike dhe shqiptarëve për shpëtimin e mekanizmave demokratike, shpëtimin e Shqipërisë nga regjimi banditokracisë. Një lëvizje popullore të cilën Shqipëria nuk e ka njohur që nga 20 shkurti i vitit 91’.
Rama është i tmerruar dhe gjen rastin që të mos ndodhet pasnesër në zyrë, por i them që kudo që të jetë, kudo që të shkojë, ai do ti japë llogari shqiptarëve për cdo të zezë që i ka bërë shqiptarëve. Le të shkojë dhe në Australi po të dojë, por sërish do të përgjigjet.
Sjellja e zotit Noka ishte një imponim, sepse ai nuk la gjë pa sharë nga parlamenti… çke që flet, ti merr fjalën, por ti do të flasësh edhe kur flas unë edhe para meje, edhe pas meje. Janë të tmerruar, rrin e më shohin se kujt do tja përmend emrin. Ja keni parë fytyrat ministrave?”-tha Berisha.
