Ish-kryeministri Berisha ka shpërthyer në akuza të forta në drejtim të pasardhësit të tij Edi Rama. Nga foltorja e parlmentit, ai deklaroi se Rama është “koka e krimit” në vend duke instaluar atë që Berisha e quan narko-shteti. Berisha akuzon kryeministrin për lidhje të drejtëpërdrejta me persona të botës së krimit që sipas tij i dërgojnë qindra mesazhe në telefon.
“Në celularin tënd ke me dhjetëra, qindra mesazhe nga vrasës, trafikantë, ti je koka e krimit. Ke ministra që mbajnë kriminelat, se ata e dinë që për ty kriminelët janë njerëz të mirë. More Shullazin dhe e përdore për të çuar mesazhe kërcënuese te kryetari i opozitës. E përdore derisa e arrestoi opozita me denoncimin që bëri. Për të mbrojtur lidhjet me krimin emërove në krye të forcave të krimit Xhafën, i cili del e thotë se çfarë më duhet mua se çfarë bën im vëlla. Ti je në konflikt interesi”, deklaroi Berisha.
Më tej ai i rikujtoi edhe njëherë akuzat që opozita ka adresuar ndaj kryeministrit gjatë 4 viteve të shkuara. Ish-kryeministri tha se mbi Ramën bien përgjegjësitë e kriminalizimit të parlamentit dhe penetrimit të krimit në administratë.
“Në këto 4 vite, në përkufizimet e diktaturave, monokracia apo banditokracia vlerësohen si forma më e shëmtuar e të gjitha regjimeve. Nuk kam ndërmend këtu të citoj burimet e pafundme ndërkombëtare që u cituan nga kolegët e mij në fjalën e tyre, por dua të ndalem vetëm në materien e kësaj toke, vetëm në të dhënat, për tu faktuar shqiptarëve se Edvin Kristaq Rama është koka e meduzës së krimit të organizuar, është nëna e nënave të krimit, se Edvin Kristaq Rama ka instaluar narko-shtetin, apo shtetin e dytë në botë pas Panamasë, shtetin e dorgës. Kurrë nuk ka ndodhur që në 1 javë, narko-banda të godasë policinë e shtetit 4 herë. Pse mendoni ju, pse Hakiu i ka çelsat e rendit në Shqipëri? Hakiu ka celsat e drogës se çelsat e krimit i ka Edi Rama. A nuk është Edi Rama që mbushi këtë parlament me vrasës, me përdhunues? A nuk është Edi Rama që përcolli Arben Frrokun jashtë një ditë para se të merrte dënimin? A nuk është Edi Rama që doli para shqiptarëve me një kriminel që vrau 4 persona, me nënën e tij, pa kërkuar të falur? A nuk është Edi Rama ai që fshehu për muaj të tërë kërkesën për ekstradim të vrasësit horror Mark Frroku? A nuk është Edi Rama qëndërseu përdhunuesin në parlament për të goditur deputetin e opozitës? Pse merreni me krimin? Ja ku është nëna e krimit”, deklaroi Berisha.
Më tej Berisha ka treguar se pjesë e transporti ndërkombëtar të kokainës është dhe vëllai i Ramës.
“Edi Rama je koka e krimit. Një makinë me targa AA635DM është përfolur për transportin e lendeve narkotike. Kjo është makina e kokës së transportit të kokainës. Kush ka udhëtuar dhe kush kanë qenë pasagjeret? Genci Kasem Xhixha djali i sponsorizues kryesore të Ramës. Ermal Ilir Hoxha, me data me të gjitha. Gentian Hasan Gjonaj. Dhe i kakerti ka qene Olsi Kristaq Rama”, tha Berisha.
/a.m.
