Ish-kryeminsitri i vendit Sali Berisha i është rikthyer akuzave të ashpra në drejtim të kryeministrit Edi Rama ku nuk ka kursyer as fjalorin e rëndë.
Gjatë një konference me gazetarët, Berisha deklaroi se qeveria nuk ka bërë investime në inftrastrukturë por sipas tij ‘kemi parë shpenzime për pritje dhe orgjira por jo investime në infrastrukturë.
Më tej ish-kryeminsitri ka përsëritur edhe njëherë akuzat për lidhje me krimin në drejtim të kryeminsitrit të vendit Edi Rama dhe ministrit të Brendshëm Saimir Tahiri. Berisha theksoi gjatë fjalës së tij se policia ka fshehur statistikat e vërteta të krimit me urdhër të kryeminsitrit.
“Nofka që i ka vendosur Shullazi është Saje Qorri, nuk e ka mohuar dot këtë se sa herë i përmend SHullazin ai e mbyll gojën dhe nuk flet asnjë presje. Kjo situatë paralajmëron një degradim të rendit dhe të sigurisë. Sot është bërë e zakonshme, patrullat policore thithin kanabis, fenomen që e kishim paralajmëruar. Mbjellja e kanabisit do të nxisë përdorimin shkatërrimtar për shqiptarët të kësaj droge. I ka kushtuar Jemenit një rrënim të vërtetë kombëtar. Në disa qytete është përdorur hashishi me llullë, dhe tani që kanabisi ka dalë tek policia dhe shuajnë dëshpërimin policët me kanabis, rend më në Shqipëri nuk mund të ketë. Sot më shumë se kurrë të marrim përgjegjësitë tona, të shpëtojmë vendin me një revolucion paqësor, nga kjo organizatë kriminale që quhet qeveri, e shndërruar në të tillë nga Edi Rama dhe lidhjet e tij të krimit. Të bëjmë gjithcka për të dalë sa më shpejt nga ky spiral shkatërrimtar. Të ngrihemi, dhe me revolucion demokratik t’i largojmë një sahat e më parë. Cinizmi i policisë deklaron gjysmën e numrit të vrasjeve, dhe shpall se kanë ndodhur vetëm 54. Një akt i papërgjegjshëm, i një isntitucioni që zbaton mashtrimet, trillimet e Edi Ramës”, – tha Berisha.
TENDERAT
Berisha tha se kjo është qeveri e vjedhjes duke ju referuar tenderëve të shumtë që sipas tij, kryeministri Rama i jep për miqtë e tij. Berisha shkoi edhe më tej teksa tha se Rama dhe Tahiri i kanë bërë presion oficerëve të Policisë Gjyqësore për zhdukjen e dosjeve të tenderave korruptiv.
“Me tenderët po bëhet kërdia. Do t’i lutesha shumë shtëpive botuese të përkthejnë librin e Sara Chayes, hajdutët e shtetit. Ky libër është dëshmi e një zonje shumë të aftë, të guximshme, e një luftëtareje, heroinë e vërtetë në luftën kundër korrupsionit në shkallë botërore. Ajo përshkruan Afganistan, absolutisht aty gjeni Edi Ramën, Olsin, Beqjna, i gjeni që të gjithë me çizme, vetëm se ai atje quhet Hamid, këtu quhet Edi Rama. Vetëm vjedhjet e natës së vitit të ri ishin të turpshme. 600 mijë euro për tre tavolina të rrumbullakëta, që ka rrezik dhe pronari s’i ka marrë lekët fare. Të gjitha tenderët shkojnë tek klientela, sepse ndahen para. Shihni kërcënimet e Edi Ramës për prokurorët për dosjen e Ilir Beqës. Spastrimin e plotë të OPGJ-ve të ndërgjegjshëm të cilët kurrë nuk mund të shkarkoheshin nga Saimir Tahiri. Por, me forcën e revoles i ka larguar nga detyra, sepse ata po kapin monstruozitetet në tenderat dhe koncesionet, vjedhjet e qeverisë. Po çojnë vendin drejt një rrënimi të paparë,dhe njëherë u bëj thirrje qytetarëve shqiptar, të ngriheni për të rikthyer shpresën në këtë vend se në spajtohemi kurrë me këto që ndodhin, të ngrihen dhe me revolucuon demokratik ti largojmë një orë e më parë”, tha Berisha.
REFORMA NE DREJTESI
Berisha u tregua mjaft i ashpër edhe në lidhje me procesin e Reformës në Drejtësi, duke akuzuar në mënyrë të drejtpërdrejtë kryeministrin Rama se po synon kapjen e sistemit. Ai madje akuzoi për lidhje me krimin edhe kreun e Komisionit të Posaçëm për Reformën në Drejtësi Fatmir Xhafën, duke shtuar se ai synon të çojë në kryë të Gjyqësorit kunatin e tij.
“Reforma ka pasur një kundërshtar që në fillim, dhe siç faktuan zhvillimet, ky është Edi Rama. Ai vendosi procesin e Reformës mbi baza ultra-koruptive. Emëroi aty ekspertë, dhe në Parlament, individë në konflikt flagrant interesi. Fatmir Xhafën, përfaqësues i klaneve të drogës, me dokumente. Fatmir Xhafa, me nene shpalli supergjykatës të vendit, kunatin e tij të dashur Sokol Berberi, po si e shpalli do të thoni ju, më i vjetri i Gjykatës Kushtetuese, ai që është më i vjetri do merrte vend në një nga isntitucionet kyresore të verifikimit. Ishte mbi bazë korruptive sepse Dvorani, e bëri dhe ai nenin e tij, që thoshte më i vjetri i Gjykatës së lartë të ishte në këtë post, më i vjetri ishte Dvorani i Partisë Socialiste. PD nuk mund të pajtohej kurrë me këtë Draft. Edi Rama zgjodhi këta ekspertë. Venecia paralajmëroi jo një, por me disa nene tentativat e kapjes së sistemit të drejtësisë. Opozita, me të gjithë dokumentet që dorëzoi I’u përmbajt rekomandimeve të Komisionit të Venecias. Sa morën Venecian, punuan nën kulisa, për të hartuar një draft, ndëkohë që Venecia rekomandonte si metodë pune atë që u ndoq me dekriminalizimin. Dhe pasi Rama-Xhafa bënë gati Draftin e dytë, vendosën ekspertët e opozitës para Draftit të tyre. Krimineli nuk tërhiqet. Në këto rrethana, ekspertët e opozitës thanë ne kemi ardhur të punojmë mbi bazën e rekomandimeve të Venecias”, tha Berisha.
I pyetur nga gazetarët nëse ekzistojnë mundësitë që mazhoranca të “blejë” disa deputetë të opozitës për të siguruar numrin prej 93 votash, që I haprrugën ndryshimeve kushtetuese, Berisha u përgjigj se kjo përbën një presion ndaj Ramës për aleatin e tij Ilir Meta.
“Kam bindjen se nga opozita Edi Rama nuk do mund të garantojë asnjë votë. Deputetët e opozitës pavarësisht nga kundërshtitë që mund të kenë nuk janë kriminelë që shiten dhe blihen, nuk i përkasin merkatos së lirë, por janë njerëz me integritet, të përgjegjshëm dhe kjo që përhap Edi Rama është thjesht një presion që i bën aleatit të tij në qeverisje. Një luftë e brendshme për jetë a vdekje midis dy vëllezqërve armiq, kokat le ti hanë njërit-tjetrit, është punë e tyre. Por, jam i pari që e kam denocnuar sa është krijuar qeveria, ky ka këtë qëllim ndaj tij, këto po dalin. Kjo është luftë e brendshme, nuk dua të merrem me ta, uroj që zoti tu shtojë oreksin kundër njëri-tjetrit”, tha Berisha.
