Anëtarja e Këshillit Kombëtar të Partisë Demokratike, Edlira Devolli thotë se kjo forcë politike nuk mund të fitojë zgjedhjet me Sali Berishën në krye dhe se ky i fundit është i vetëdijshëm për këtë.
Në një intervistë për Euronews Albania, Devolli u shpreh se Berisha po i dërgon një pjesëtë strukturave te Partia e Lirisë, që drejtohet nga Ilir Meta.
“Tashmë Sali Berisha e di që nuk fiton. I duhet të marrë pjesë në zgjedhje, i duhet të bëjë aleancat e tij për interesat e veta personale që e shqetësojnë. I duhen demokratët për mburojë votash. Fatkeqësisht ka shkuar të drejtojë Partinë e Lirisë, janë bashkë me Ilir Metën.
Po i jep një pjesë të strukturave, po i delegon atje. Atë konglomerat që ka me vete, është duke e çuar te ish-LSI-ja, Në momentin që ishte duke u arritur një marrëveshje mes Bardhit dhe Palokës, Berisha nxitoi të bënte marrë veshje me Partinë e Lirisë”, theksoi ajo.
/s.f
