I ftuar në emisionin “Java në RTSH”, Ervin Bushati u pyet në lidhje me shpalljen non-grata të Sali Berishës nga SHBA, nëse kjo është një goditje për të apo një sinjal për Shqipërinë.
Në panelin me analistët Preç Zogaj dhe Lorenc Vangjeli, Bushati tha se Amerika është rikthyer fuqishëm dhe po angazhohet, ndërsa përsa i përket Berishës, deputeti i PS u shpreh se ka folur shumë qartë sekretari Antony Blinken.
“Ajo që shikojmë sot është një angazhim apo rikthim i fuqishëm i Amerikës. Angazhimi i saj është shumëfish dhe kjo po ndodh në të gjithë vendet ku ajo është angazhuar. Biden është disa ditë me rradhë në Europë dhe kjo nuk është rastësi. Pra, SHBA e ka fokusin tek 30 vendet që janë në NATO. Sa për Berishën, ka folur shumë qartë sekretari Blinken.”- tha deputeti Ervin Bushati në emisionin “Java në RTSH”.
/b.h
