Kryetari i zgjedhur i Bashkisë së Himarës, Fredi Beleri i është drejtuar me një letër të hapur ambasadorit të Bashkimit Evropian në Tiranë dhe të ngarkuarit me punë të ambasadës amerikane, ku thekson midis të tjerash prej 12 majit të vitit të shkuar ndodhet në paraburgim dhe prej atëherë nuk i lejohet të bëjë betimin.
Sipas tij, SPAK i ka vënë në dispozicion provat “që provojnë atë që unë kam deklaruar që ditën e arrestimit tim, që isha viktimë e veprimeve arbitrare të paligjshme të policisë, të ndikuara nga shprehjet e hapura ofenduese dhe fyese të Kryeministrit ndaj meje”, raporton News24.
Në letër, Beleri thekson se policia e vuri nën përgjim atë dhe stafin e tij për 5 ditë me radhë dhe duke qenë se nuk zbuluan veprime të kundraligjshme, sajuan dëshmitarë të rremë që deklaroi se “i kisha propozuar të blinte vota në emër tim”.
“Jam në burg, sepse policia dhe prokuroria Vlorë, falsifikuan dokumente që të vendosnin dëshmitarin e rremë në dy vende në të njëjtën kohë, të paktën tre herë, që të justifikonin arrestimin tim”, thekson ai.
Nderkohe qe si per ironi te fatit, SHBA ka shpallur ‘non grata’ Sali Berishen, pikerisht kreun e koalicionit “Bashke Fitojme” i cili e kandidoi per kryetar te bashkise se Himares ne zgjedhjet e 14 majit te vitit te kaluar!/m.j
