Ish-kryeministri Sali Berisha, ishte i ftuar në studion e lajmeve të AbcNews, ku foli për situatën aktuale brenda Partisë Demokratike dhe rizgjedhjen e Bashës në krye të saj. Teksa iu përgjigj pyetjes nëse e do baza e PD-së kreun aktual, Lulzim Basha, Berisha tha se, ndonëse kishte një proces zgjedhor dhe përballje reale, procesi kishte problemet e vetat. Lidhur me këtë, Berisha iu referua videos së Citynews.al, për votimet në Korçë, ku shihej qartë sesi po manipuloheshin votimet dhe parregullsitë e procesit. Më tej ai u shpreh se këto nuk ishin të vetmet manipulime të denoncuara nga mediat. Ai tha më tej se nëse baza do të kërkojë largimin e Lulzim Bashës, do të mbështeste bazën.
Berisha: Nëse baza e PD kërkon largimin e Bashës, do ta mbështesë
