Ish kryeministri, Sali Berisha ka zhvilluar një mbledhje me kryesinë e ‘Rithemelimit’ ku ka folur për situatën ku ndodhet vendi dhe për primaret që do të organizohen për zgjedhjen e kandidatëve që do garojnë për bashkitë në zgjedhjet lokale.
“Primaret janë forma më institucionale më e rëndësishme e kësaj hapje. Sot ne kemi mbi 200 e sa kandidatura të cilat vijnë nga PD, nga shoqëria civile, nga bota akademike por edhe nga diaspora dhe emigracioni. Unë që të gjithë këto gra dhe burra që kanë vendosur të marrin pjesë në garën e primareve dua t’i falënderoj me shumë mirënjohje për nderin që i bënë PD-së me vendimin e tyre. Dua t’i garantoj se do bëhet gjithçka për një proces me integritet dhe të ndershëm. Këto janë primaret e para që zhvillohen në këtë formë në historinë e PD-së dhe demokracisë së vendit. Ne duhet të bëjmë gjithçka për suksesin e këtij procesi”-tha Berisha.
Berisha nuk la pa thumbuar edhe partinë Socialiste teksa tha se ndërkohë që Rithemelimi po organizonte primare për zgjedhjen e kandidatëve në zgjedhjet lokale, kandidatët e kahut tjetër politik sipas tij nuk njiheshin as nga simpatizantët e partisë.
“Kudo, kandidatët tanë në primare po paraqiten jo si të kahun tjëtër që jetojnë si të jenë në bodrumet e shpellave dhe mafies se nuk e di kush se kush janë, por janë para simpatizantëve tanë, janë në media dhe kanë arritur ta bëjnë këtë proces të ngjallë interes të veçantë tek publiku.
Një proces që po vlerësohet në të gjithë spektrin politik që ka tronditur thellë Edi Ramën dhe grupin e tij mafioz që në vend të rregullave të demokracisë ka përcaktuar në partinë e tij rregulla të bosit të mafies ku vendos vetë gjithçka, emëron dhe zëvendëson pa pyetur. Krahas ndryshimeve të thella në statut, rikthimit të vlerave konservatore në programin e kësaj partie, ne po shkojmë tani në zbatimin e atyre që kemi sanksionuar në statut, hapjen e partisë në primare.
Ju garantoj se do ketë hapje të tjera, jo vetëm primare, ka një fluks të admirueshëm intelekstualësh të shquar nga fusha të të gjitha departamenteve”- u shpreh ish kryeministri./m.j
