Një muzikal i frymëzuar nga jeta e Silvio Berlusconit, i shkruar nga dy ish-yjet e serialit britanik për fëmijë “Grange Hill”, Ricky Simmonds dhe Simon Vaughan, po përgatitet që të ngjitet në skenën londineze në pranverë.
Sipas Guardian, është një “histori pothuajse e vërtetë” me sytë e tre grave: Ilda Boccassini (gjyqtare), gruaja e dytë e Berlusconit, aktorja Veronica Lario, e cila e la atë në vitin 2009 pas gati 20 vitesh martesë dhe një gazetare.
“Këto gra po tregojnë historinë e tyre,”- thotë Francesca Moody, e cila është në krye të produksionit. Shfaqja do të përqendrohet në dhuratën e Berlusconit për të përdorur pushtetin “me buzëqeshjen dhe syrin e tij të veçantë”.
Me regji të James Grieve, shfaqja do të vihet në skenë në Southwark Playhouse në Londrën e Jugut
/e.d
