Posteri i Belind Këlliçit me gishtat lart korrupsionit në kuadër të fushatës elektorale ka sjellë mjaft diskutime. Në lidhje me këtë është pyetur edhe Sali Berisha në komunikatë me mediat.
Berisha tha se ata që vjedhin qytetarët, meritojnë jo gishtin, por shumë më tepër se aq pasi sipas tij meritojnë çdo formë deskrititimi.
Sali Berisha: Ata që vjedhin qytetarët meritojnë jo gishtin, por shumë herë më tepër. Sigurisht, ata që vjedhin qytetarët, ata meritojnë çdo formë deskrititimi. Ata që vjedhin dhe mbron nga drejtësia e tij, atë e kanë pak. Meritojnë çdo gjë tjetër. Çdonjeri duhet të marrë parasysh se një i ri ka shprehjen dhe imagjinatën e vet. Po të isha unë, ku e di se çfarë do të ju nxirrja unë atyre. Kjo më duket pak mua.
Berisha ka sulmuar edhe ish-myftiun e Tiranës, Ylli Gura i cili një ditë më parë e dënoi posterin e Këlliçit. Sipas Berishës, myftiu është mafioz.
Sali Berisha: Dënoj me ashpërsinë më të madhe manipulimin e turpshëm mediatik të atyre mafiozëve që flasin në emër të myftive anonimë. Dënoj ndërhyrjen e Sorosit dhe parave të tij në fushatë. Rrjeti i organiziatve të Sorosit pasi e sheh se Veliaj po përfundon aty ku e meriton, po hiqet si i revoltuar. Veliaj është i papërfunduar, një njeri që mashtron se ka mbjellë 1 milionë pemë dhe ka vjedhur shumën e 1 milionë fidanëve.
/a.r
