Sali Berisha ka vijuar sot në Kuvend me akuzat rreth McGonigal.
Në fjalën e tij ai tha se Edi Rama ka cenuar sigurinë e Shteteve të Bashkuara duke korruptuar ish-agjentin e FBI.
“Ky është skandal ndërkombëtar, e tha edhe kongresmeni dje. Ke cenuar sigurinë e Shteteve të Bashkuara” – tha Sali Berisha.
Prej disa kohësh, personi i shpallur non-grata familjarisht nga SHBA-të, u qan hallin këtyre të fundit.
Taktikë për ta marrë Uashingtonin me të mira? Apo po luan rolin e ‘shejtan budallait’ për t’u harruar vula e zezë amerikane mbi të dhe familjen e tij?
“Veprat e korrupsionit të ish-Presidentit të Shqipërisë, Sali Berisha, minojnë demokracinë në Shqipëri. Unë e shpall publikisht Sali Berishën dhe anëtarët e familjes së tij si të papërshtatshëm për të hyrjë në Shtetet e Bashkuara të Amerikës. Ne vazhdojmë të jemi kundër korrupsionit së bashku me partnerët tanë në Shqipëri”, shkruante në vendim Sekretari Amerikan i Shtetit.
E thënë ndryshe: Amerikanët s’duan që paratë që Berisha dhe familja e tij kanë siguruar nga korrupsioni, të hyjnë në territorin e tyre.
/javanews/ a.rada
