Ish kryeministrin Sali Berisha ka komentuar heshtjen e kreut të LSI-së në lidhje me protestën e opozitës në çadrën e improvizuar të PD-së poshtë këmbëve të kryeministrisë së vendit. Berisha ka ftuar LSI-në që të bëhet pjesë e qeverisë teknike që PD kërkon prej kohësh, duke thënë se cilado parti që nuk e ka humbur “prekjen me qytetarët”, duhet të bëjë bilancin dhe të zgjedhë. E thënë me fjalë të tjera Berisha ka kërkuar nga LSI që të dalë nga koalicioni për t’u bërë kështu shkaku I rënies së qeverisë dhe hapjes së rrugës për një qeveri teknike.
“Ky është moment kritik për cdo forcë politike. Çdo forcë politike që nuk ka humbur prekjen, lidhjen me qytetarët, është e ftuar të bëjë bilancin, të bëjë zgjedhjen në cilën anë do të rrijë, atë të banditokracisë apo në anën e qytetarëve”.-tha Berisha i pyetur nga gazetarët.
Pra po ftoni LSI?
Berisha: Edhe rama po të dojë të largohet të krijojë qeveri teknike
Kush e drejton qeverinë teknike?
Berisha: Do vendosin forcat politike kush do e drejtojë, unë them që s’pengohet asnjë që të japë kontribut në qeverinë teknike.
Do e njihni rezultatin nëse rikonfirmohet në zgjedhjet e Qershorit Rama kryeministër?
Berisha: Zgjedhjet e qershorit me Ramën s’mund të ketë, më vjen keq, duhet të kuptojë cdo shqiptar këtë moment kritik dhe jetik. Përvec vitit 91 s’ka pasur kurrë protestë 4 muaj para zgjedhjeve.
Ish-kryeministri apeloi për përshkallëzim të protetestës edhe jashtë Shqipërisë, duke u bërë thirrje qytetarëve që të protestojnë pranë ambasade të vendit në shtetet e tjera.
“Thirrja ime për emigracionin dhe diasporën është të marrin të gjitha masat që të organizojnë protesta pranë selive të qeverive ku janë, pranë Ambasadave të Shqipërisë, kundër regjimit të banditokracisë. Kjo është rruga e solidarizimit në mënyrë që për Shqipërinë të votojnë të gjithë shqiptarët.
Ky është revolucion paqësor. Zgjedhje të qershorit me Edi Ramën s’mund të ketë. Përvec vitit 1991 nuk ka pasur kurrë protestë 4 muaj para zgjedhjeve. Kjo protest është këmbana më e fuqishme e alarmit. 4 muaj para zgjedhjeve nuk proteston asnjë forcë nëse nuk e konsideron jetike. Ishin gjysëm milioni shqiptar që erdhën me mision dje. Të gjithë ata që analizojnë këtë protestë të mos e harrojnë këtë. Në 1991 me kultin e Enver Hoxhës nuk kishte zgjedhje dhe tani me kultin e krimit nuk ka zgjedhje. Nëse Rama nuk pranon PD do t’ia imponojë me një këmbë. Mosbindja civile ka 52 forma demokratike të saj.”-tha Berisha.
“Do të vi herë pas herë, por kudo që jam mendjen e kam këtu. I bëj thirrje Edi Ramës ti thërrasë mendjes, mos ta pengojnë problemet e tij psiqike për të gjetur realizimin sa më parë. Ti hapë rrugë zgjidhjes qytetare”-tha Berisha duke ju drejtuar Ramës./java/a.k
