Florian Binaj përmes një postimi në rrjetet sociale, ka falënderuar Partinë Demokratike, Nismën Thurje dhe Shqipëria Bëhet për mbështetjen që i kanë dhënë kandidaturës së tij për Bashkinë e Tiranës në një garë kur do të gjejë përballë Ogerta Manastirliun e mazhorancës.
Mes të tjerash, Binaj falënderon qytetarët që e kanë mbështetur dhe shton se deri dje e ka luftuar padrejtësinë me humor, teksa këtë herë kjo gjë do të bëhet me votë.
REAGIMI I BINAJT
Falenderoj për mbështetjen që i dha kandidimit tim si kandidat i pavarur Partia Demokratike, Shqipëria Bëhet dhe Nisma Thurje. Mbetem i hapur për çdo mbështetje që do të vijë nga forcat opozitare. Dëshiroj mbi të gjitha të falenderoj me mijëra qytetarë të Tiranës, të cilët më kanë inkurajuar këto ditë. Kjo garë është për ju!Unë nuk jam politikan, jam qytetar dhe partia ime jeni JU! Deri më sot kam luftuar padrejtësinë dhe të keqen me humorin dhe artin tim, sot ju ftoj ta luftojmë me votë. Të dënojmë ata që na vodhën dhe bënë humor me ne! Ju ftoj të bëjmë bashkë mendjet dhe zemrat kundër pushtetit që po dhunon jetët dhe të ardhmen e fëmijëve tanë!
