Partia Demokratike e drejtuar nga Sali Berisha dhe ajo e Lirisë e drejtuar nga Ilir Meta, do të vijojnë edhe nesër protestën në Tiranë.
Përmes Facebook, Berisha shkruan se nesër në 19:30 do të mblidhen qytetarët para Ministrisë së Brendshme. Sipas tij, qytetarët kërkojnë shkarkimin e Mirela Kumbaros, Bledi Ccuçit dhe Gledis Nanos pas vdekjes së 7-vjeçares Jonada Avdia.
Por pak minuta pas “kushtrimit” të Sali Berishës, ka ardhur edhe reagimi nga Partia e Lirisë, ish-LSI.
Sekretari i Ilir Metës, Tedi Blushi, shkruan se nesër do të jenë të gjithë në shesh për të rrëzuar bandën e hajdutëve që qeveris shqiptarët.
“”Argëtohuni” sot me Fake-Qeverinë dhe nesër të gjithë në protestë kundër kësaj bande hajdutësh që kujdeset vetëm për Fake-like dhe followersa nga Bangladeshi” – thotë Blushi.
/javanews/a.r
