Kreu i grupit parlamentar të PS, Taulant Balla, ishte në Kolonjë të Lushnjes, ku më 6 mars edhe në këtë qytet do të votohet për të zgjedhur kreun e Bashkisë.
Partia Socialiste i ka besuar kandidimin për këtë Bashki Eriselda Sefës.
Balla tha se pas 102 vitesh nga Kongresi i Lushnjes, Bashkia e Lushnjes do të drejtohet nga një vajzë lushnjare si Eriselda Sefa.
“Do të vazhdojmë të qeverisim në Bashkinë Lushnje, me angazhimin për përmirësuar shërbimet publike dhe rritur edhe më shumë investimet në infrastrukturë”, theksoi Balla.
Drejtuesi Politik i Partisë Socialiste për Qarkun e Fierit Taulant Balla, theksoi se sot “Sali Berisha dhe Ilir Meta kanë hyrë bashkë në një thes”.
“Unë nuk dua që të merrem me dy kandidatët që kemi përballë. Dua të merrem me kandidatët që i kanë vendosur ata. A mendon ndonjë prej jush që është koha sot t’i japim votën Sali Berishës dhe Ilir Metës, që mezi kemi pritur të bëheshin bashkë.
Unë personalisht mezi e kam prit këtë ditë, ditë më të bukur nuk ka që Saliun dhe Ilir t’i kesh bashkë në një thes, dhe shembulli më konkret i asaj që nuk duhet të bëjmë ne në Lushnje, është që nuk duhet të imagjinoni mos dalim në votime, të themi ‘hajt se e kemi të fituar’. Unë mendoj që duhet të bëjmë organizimin më të madh, të trokasim në cdo dere, e t’i themi njerëzve se duhet një referendum i madh në favor të nevojave që ka Kolonja, bashkia Lushnje dhe Shqipëria në funksion të mbështetjes që duhet t’i japim PS”, tha Balla.
g.kosovari
