Avokati Idajet Beqiri thotë se kreu i PD, Sali Berisha u bë armik i përbetuar i SHBA, me atentatin që i bëri ish ambasadores amerikane në Tiranë, Mariza Lino dhe trafikut të armëve me Hamasin.
Në një intervistë për “Ora e Fundit” në ABC News, Beqiri u shpreh se këto ishin arsyet pse i u shpall non grata nga SHBA.
Beqiri shtoi se 6 milionë dollarët për heqjen e non grata, nuk mund të paguajnë krimet që ai ka bërë në vend.
“Flet për raportet e Shqipërisë me SHBA dhe sabotimin që i ka bërë historikisht, nga viti ’92 e në vazhdim, Berisha dhe dy qeveritë e tij që kanë qenë në pushtet. Në 2005-2013, u bë një armik i përbetuar i SHBA. Jo vetëm bëri atentat ndaj ambasadores Lino, por për trafikun e armëve që bëri me Hamasin, ai u tregua armik i SHBA. Kjo ishte arsyeja që u ndëshkua me non grata. Nga lekët e shqiptarëve, ai shkon dhe i çon në SHBA për të hequr non grata e tij. Asgjë gjë nuk i hyn në këmbë, për pastrim parash që bën në SHBA. Një vrasës i Shqipërisë dhe i shqiptarëve, nuk mund të paguhen me 6 milionë dollarë, krimet që ka bërë Saliu në këtë vend. Sali ishte i pari që vodhi floririn e Krrabës. Saliu bën sikur e ndihmon Ilir Metën, por ka hallin e vet”, theksoi ai.
