Ministri Ilir Beqaj tha sot në Kuvend se sektori i Shëndetësisë është gjetur me 40 mld dollarë borxhe dhe se shëndetësia nuk u prish në vitin 2013.
Ai komentoi akuzat e Topallit, sipas së cilës nëna që humbi dy fëmijët në aksident nuk ka marrë kujdesin e duhur nga ana e mjekëve.
“E ndiej për detyrë të kërkoj falje që kemi bërë kaq pak në këto 2 vite. Kur mora detyrën nuk e prisja të kishim 40 mld dollarë borxhe. Nëse nuk do kishim këto borxhe ato para do i kishim çuar për çdo maternitet në Shqipëri. Me 1 mld dollarë kemi bërë investime në atë të Gjirokastrës, kemi filluar në Sarandë dhe në 2 maternitete në Tiranë” – tha Beqaj.
Referuar akuzave të Jozefina Topallit, ministri i Shëndetësisë theksoi se ajo është një ngjarje e dhimbshme.
“Kur ishte atje lart, nuk pranove të ngrinim një diskutim që e hapi çështjen ministri Klosi. Shëndetësia nuk u prish në vitin 2013. Ka shumë arsye për të kërkuar falje. Duhet të kishim bërë më shumë në këto 2 vjet e gjysmë” – deklaroi Beqaj. (javanews.al / a.r)
