Territor totalisht i harruar dhe i quajtur informal i lënë qëllimisht jashtë çdo projekti të bashkisë së Shkodrës.
Kjo është idea e pare që të vjen në mend menjëherë sapo hyn ne bllokun e banesave tek ish – zooteknika. Një komunitet me banorë kryesisht të ardhur i lënë tërësisht në harresë për 24 vite do të shihet me prioritet nga bashkia e re.
Hapi i parë për integrimin e kësaj zone me pjesën tjeter të qytetit ishte përurimi i ambulancës Kiras – Zooteknikë me pjesmarrjen e ministrit të Shëndetësisë Ilir Beqja dhe kandidates së ASHE-së për Bashkinë Shkodër, Keti Bazhdari.
Ndërsa janë të gatshëm projektet për shtrirjen e rrjetit të kanalizimeve të ujrave të bardha e të zeza, ujë i pijshëm në çdo banesë, reabilitimi i plotë i infrastruktures rrugore si dhe realizimi brënda katër vjeçarit i legalizimit të çdo banese.
Bazhdari është shprehur se prioritet do ti jepet dhe realizimit të pedonales në qëndër të Kirasit, ndriçimit cilësor të rrugëve dhe vendosjes së kamerave të sigurisë për të evituar çdo tendence kriminale në këtë zonë.
Lagjia Kiras do të jetë jo vetëm juridikisht, një pjesë integrale e qytetit të Shkodrës, me të gjitha funksionet e saj.
