Autoritetet serbe krejt ndryshe nga ato kosovare shprehen se nuk ka asnjë arritje në takimet e përbashkëta. Zyra për Kosovën e Qeverisë së Serbisë ka përgënjeshtruar informacionet se është arritur marrëveshja për ndërtimin e vendkalimeve kufitare të përhershme ndërmjet Kosovës e Serbisë. Lajmin e përcjell B92, ku theksohet se nuk është arritur pajtimi për hapjen e dy vendkalimeve kufitare dhe shtohet se vendkalimet do të jenë me statusin neutral.
“Jemi lodhur me përgënjeshtrimet konstante të interpretimeve të Prishtinës rreth marrëveshjeve pas pothuaj çdo takimi në Bruksel gjatë gjithë procesit negociues të Beogradit e Prishtinës. Na duhet edhe kësaj radhe me përgjegjësi dhe saktësi të theksojmë se në takimin e të enjtes nuk është arritur pajtimi për kurrfarë “ndërtimi të gjashtë vendkalimeve kufitare”.
