Deputeti dhe publicisti i njohur shqiptar, Ben Blushi gjatë ditës së hënë do të vizitoj Prishtinën, me ç’rast do të flas edhe për zhvillimet e fundit politike në Kosovë.
Siç merr vesh “Zëri”, Blushi gjatë kësaj vizite do të tregoj ndonjë model se si të gjendet një zgjidhje për të dalë nga kjo krizë politike në të cilën gjendet Kosova tash e ca muaj.
Mirëpo, në Kosovë Blushi është ftuar nga Lëvizja FOL, ku të martën në orën 11:30, do të zhvillojë një bisedë të gjatë për librin e tij të fundit “Kandidati”.
Ndërkaq, të gjithë adhuruesit e librit të tij, të hënën kanë mundësinë që në librarinë “Dukagjini”, ta takojnë atë dhe të marrin librin me firmën e tij.
