Dikur së bashku në atë që u quajt brenda PS, “Lëvizja për mendim ndryshe”, deputeti Ben Blushi e ish socialisti Andis Harasani janë parë bashkë sërish këtë të premte gjatë bulevardit të Kryeqytetit.
Në një moment duken edhe të bezdisur nga vëmendja e fotografëve të medias ndaj tyre. Blushi është një nga kritikët më të zëshëm të qeverisë.
Harasani, i zgjedhur dy herë në parlament më 2005 dhe 2009, dha dorëheqjen si deputet në shtator 2012 dhe shkoi në Nju Jork. Ai është rikthyer kohët e fundit në Tiranë. Fotot janë publikuar nga LSA.
