Deputeti i PD, Flamur Noka ka kërkuar sqarime nga ministri Fatmir Xhafaj se përse policia e Elbasanit e fshehu ngjarjen ku u arrestua biznesmeni Orest Sota dhe në makinë iu sekuestruan 863 mijë euro dhe dy patenta të Tahirit.
Ministri i Brendshëm Fatmir Xhafaj ka deklaruar se ka ngarkuar Shërbimin e Kontrollit të Brendshëm dhe Ankesave për të hetuar ngjarjen ku u arrestua biznesmeni Orest Sota dhe përgjegjësitë që ka policia në këtë rast.
Fatmir Xhafaj u shpreh gjithashtu se hetimet e SHÇBA do të vlerësojnë mënyrën si është sjellë policia, ndërsa shtoi se e gjithë ngjarja është e regjistruar dhe tashmë përgjegjësinë e ka prokuroria.
Ministri Fatmir Xhafaj ka shpjeguar sot në komisionin e Sigurisë së agjentët e FBI, por edhe ekspertët nga Italia dhe Gjermania do të paguhen nga qeveritë e vendeve të tyre.
“Ekspertët e FBI, Gjermanisë dhe të Italisë do të paguhen nga qeveritë e vendeve respektive. Ne krijojmë kushtet dhe stafin që u shërbejnë. Stafi është nga policia e shtetit dhe ministria e Brendshme, nëse do të jetë e nevojshme për burime shtesë do i kërkoj qeverisë për të nxjerrë buxhet”
ORA 12:15 Kush do i paguajë agjentët e FBI?
Ministri Fatmir Xhafaj ka shpjeguar sot në komisionin e Sigurisë së agjentët e FBI, por edhe ekspertët nga Italia dhe Gjermania do të paguhen nga qeveritë e vendeve të tyre.
“Ekspertët e FBI, Gjermanisë dhe të Italisë do të paguhen nga qeveritë e vendeve respektive. Ne krijojmë kushtet dhe stafin që u shërbejnë. Stafi është nga policia e shtetit dhe ministria e Brendshme, nëse do të jetë e nevojshme për burime shtesë do i kërkoj qeverisë për të nxjerrë buxhet.
Aktualisht janë akomoduar ekspertët e FBI, do vijnë edhe të tjerë, ka filluar punë edhe eksperti nga Gjermania, presim dy nga Italia. I bashkohen Task Forcës qendrore dhe ne 12 drejtoritë rajonale” tha ai.
Përsa i përket Vettingut në Policinë e Shtetit, Xhafaj theksoi se do të nisë nga 1 janari. “Vettingu në polici do të nisë nga 1 janari. Nga buxheti i shtetit një shumë e caktuar të kalojë për vettingun, që ne të kemi njerëz me integritet te policia. Kemi në total rreth 11 mijë punonjës policie, pjesa tjetër është Garda, MB dhe agjenci tjera në varësi të ministrisë.
Për sa i përket investimeve, gati 70% e tyre shkon për teknologji. Ne sot kemi një situata jo të shëndetshme për mjetet e investigimit. Përveç policisë së Shkodrës, drejtoria me gjendjen më të keqe, dhe RENEA, që ka filluar si projekt dhe do çohet përpara. Përtej kësaj, jashtë buxhetit jemi duke punuar me shoqata” deklaroi ministri.
ORA 12:05 Propozimi i ministrit të Brendshëm: Shkeljet e shoferëve, të hiqet komisioni nga Kodi Rrugor
Ministri i Brendshëm, Fatmir Xhafaj ka propozuar që komisioni që vlerëson shkeljet e drejtuesve të mjeteve të hiqet nga Kodi Rrugor. Nga mbledhja e Komisionit Parlamentar të Sigurisë ku po diskutohet buxheti i institucionet që ai drejton për vitin 2018, ministri Xhafaj tha se komisioni që analizon shkeljet rrugore është subjektiv.
“Propozoj që të hiqet komisioni nga Kodi Rrugor. Është mundësi për abuzim. Nuk ka pse të ketë një komision subjektiv për sa kohë ne kemi mjetet teknike qe vërtetojnë shkeljet. Vlerësimi bëhet aty ku ndodh shkelja, apo ku verifikohet shkelja. Ndaj mbetet për t’u parë nga ekspertët dhe për ta vlerësuar ligjvënësi”, u shpreh ministri Xhafaj.
ORA 11:45 DEBATI NOKAJ_XHAFAJ
Flamur Noka: Përgjithësisht është traditë këtu që kur ministri i Brendshëm prezanton buxhetin shoqërohet nga titullari i policisë. Sot Haki Çako mungon. Kjo ndodh sepse 70% të buxhetit zë policia e shteti. Kjo mungon, por arsyet i dini ju. Unë do tju bëj një pyetje, policia që ju sot drejtoni a është policia që duam?
E dyta, para disa ditësh në Portin e Durrësit u hoq një minijaht, pas skandalit Tahiri, ju keni dijeni i kujt ishte ky jaht dhe pse qëndronte prej kohësh në territorin e administria nga policia kufitare në Portin e Durrësit?
E treta, a mund të na bëni një koment rreth fshehjes nga ana e policisë së shtetit të skandalit të Elbasanit, ku nuk iu ndalua një makine post bllokut të policisë në të cilin ishin dy persona, dhe pastaj kur policia e burgu ndërhyri rezultoi se u gjet vetëm një person që drejtonte makinën pa patentë dhe rezultonte një çantë grash ku ishin 863 mijë euro dhe 3 patenta për skaf. Ju do të merrni patentë për skaf, se siduket ministira e Brendshme e ka bërë traditë në qeverinë e Rilindjes?
Fatmir Xhafaj: Çako dhe çdo punonjës i policisë nuk është gjykuar e arsyeshme të jetë këtu sepse paraqitja dhe mbrojtja e buxhetit është pjesë e përgjigjesisë sime politike, kushtetuese dhe ligjore. Unë jam këtu jo për tu mborjtur nga policët, por për të mbrojtur buxhetin e shtetit dhe jam këtu për të marrë përgjegjësitë sa më takon mua si ministër i Brendshëm.
Kur më thoni që policia që ju sot drejtoni, unë nuk drejtoj policinë. Policia drejtohet nga Drejtoria e Përgjithshme e Policisë së Shtetit. Unë jam ministri i Brendshëm dhe ligji më ka përcaktuar kufi, në raport me policinë. Unë nuk kontrolloj territoret e porteve dhe nuk marr informacion çfarë ndodh në territoret e porteve sa kohë që ato janë infromacione policore. Vetëm një gjë kur më kërkohet të më jepet për shkak të detyrës.
Nëse ka një gjë të kësaj natyre dhe çfarëdo lloj gjeje policia e shtetit konform detyrimeve që ka, që i burojnë nga ligji për policinë e shtetit duhet të ushtrojë detyrat e saj, nëse kjo ndodh përmes Shërbimet të Çështjeve të Brendshme unë ushtroj përgjegjsitë që me jep ligji.
Lidhur me ngjarjen e Elbasanit, drejtori i qarkut Elbasan e ka bërë të qartë publikisht rolin e policisë dhe kryerjen e detyrave nga ana e policisë në këtë çështje, policia e shtetit ka bërë detyrën konform ligjit.
Nisur nga shqetësimet, përfshirë edhe ato të politikës unë kam ngarkuar Shërbimet e KOntrollit të Brendshme ta hetojë për përgjegjsitë që kanë punonjësit e policisë.
Ajo që dua të bëj me dije është fakti që gjithçka cfarë ka ndodhur është e regjistruar konform procedurave ligjore dhe i është paraqitur në kohë shumë të shkurtër Prokurorisë së rrethit Elbasan, dhe pak orë më vonë çështja është filluar nga Prokuroria e Elbasanit dhe nga ai moment përgjegjës për atë është një institucion prokuroria e Republikës dhe në rastin konkret Prokuroria Elbasan, apo Prokuroria e Krimeve të Eënda. Ajo përcakon nëse ka aapo nuk ka vepër penale dhe nëse ka apo nuk ka shkelje nga punonjësit e policisë.
Unë nuk e kam këtë tagër që të tjekaloj komptencat e policisë dhe aq më tepër atë të Prokurorisë.
