Belgjika ka triumfuar me rezultatin e pastër 2-0 ndaj Anglisë duke marrë vendin e tretë në Kupën e Botës “Rusi 2018”. Ishte një ndeshje e ekzekutuar shumë mirë nga “djajtë e kuq”, të cilët gjatë shumicës së kohës kanë kontrolluar pa shumë probleme anglezët, që vetëm nëpërmjet goditjeve standarde janë treguar të rrezikshëm.

Ashtu si në dy ndeshjet paraardhëse, Belgjika e nisi shumë mirë ndeshjen dhe gjen golin që në minutën e 4’. Dy lojtarët e krahëve Chadli dhe Meunier gjejnë njëri-tjetrin me të fundit që shtyn topin në rrjetë.

Belgët nuk e ulin ritmin dhe kanë disa mundësi të tjera për të thelluar diferencën, ndërsa Anglia duket e përgjumur dhe ndryshimet e shumta nuk kanë ndikuar për mirë.

Pas pushimit anglezët rrisin ritmin dhe fillojnë të krijojnë mundësi goli. Gjithsesi Djajtë mbeten të rrezikshëm në kundërsulm por janë tepër të pasaktë përpara portës. Mundësia më e mirë e “tre luanëve” vjen nga Dier i cili vetëm për vetëm me portieri Courtois godet mirë, por Alderweireld shpëton portën e tij. në minutën e 82’ vjen goli i nokautit për Anglezët. Eden Hazard dyfishon rezultatin duke i dhuruar të tijve vendin e tretë në Kupën e Botës.

***

Belgjika dhe Anglia luajnë në ndeshjen e tyre të fundit në këtë botëror, atë për vendin e tretë.
Ky takim është i vështirë për të dy skuadrat, të cilat ishin vetëm një ndeshje larg finales së madhe të Moskës.

Këto janë formacionet zyrtare që janë përzgjedhur nga trajnerët e tyre:

Belgjika u mposht me rezultat minimal 1:0 nga Franca në gjysmëfinale, me golin e Umtitit, ndërsa eliminimi i Anglezëve ishte më i dhimbshëm, pasi ishin në epërsi deri në minutën e 69, por më pas pësuan gol për të shkuar në shtesë, ku pësuann edhe një gol tjetër, për t’u eliminuar para ekzekutimit të penalltive.

Belgjika dhe Anglia ishin në të njëjtin grup këtë botëror, ku fitore shënuan djajtë e kuq, me supergolin e Adnan Januzajt./a.m.