Autoritetet në Belgjikë kanë dërguar letërporosi në Shqipëri për Kevin Zeneli alias Suçi, i shpallur në kërkim pas dëshmive të vëllezërve Indrit e Gentian Beqiri. Ai konsiderohet si krahu i djathtë i Kasandër Nogës, një personazh i njohur të botës së krimit.
Zeneli kërkohet nga belgët si autor i atentatit ndaj Erion Hasanbelli në Belgjikë, teksa dyshohet nga autoritetet në Belgjikë, se fshihet në Shqipëri. Autoritetet e vendit europian kërkojnë informacion për lidhjet shoqërore të Zenelit dhe skedën e tij për të verifikuar, nëse ka ose jo rekorde të tjera penale në ngarkim të tij.
Kasandër Noga, është autori kryesor i dyshuari plagosjes së Erion Hasanbelliut, në Bruksel teksa është arrestuar në Vjenë. Ndaj Erion Hasanbelliut u qëllua me 6 plumba në Belgjikë dhe dyshohet për hakmarrje. Mes atentatorit dhe viktimës, ka një hasmëri që ka nisur mbi 20 vite më parë. Në gusht të vitit 2000, Noga ka ekzekutuar me armë zjarri babanë e Erjon Hasanbelliu, Aqif Hasanbelliu dhe Dritan Hajdinin.
Një vit më pas, vëllezërit Geron dhe Erion Hasanbelliu tentuan të hakmerren. Ata i bën atentat Kasandër Nogës në një kafene në Antëerp, por ai arriti t’i mbijetojë plumbave, ndërsa në këtë ngjarje mbeti i vrarë një mik i tij.
Në lidhje me këtë sagë hakmarrjesh, nga Kasandër Noga, dyshohet se ishte porositur Kevin Zenelin për të vrarë vëllain e Erjonit, Geron Hasanballiun, por që u ngatërrua shënjestra duke i kushtuar jetën Erion Çelës.
/e.d
