Ambasadori amerikan në Tiranë, Donald Lu ka zhvilluar një takim me Kryeprokuroren e Përkohshme, Arta Marku, e zgjedhur në këtë post vetëm pak ditë më parë.
Ambasadori Lu u prit në dyert e Kryeprokurorisë nga vetë Arta Marku, ndërsa ky ishte takimi i parës pas zgjedhjes së saj Kryeprokurore.
Takimi në zyrën e prokurorës nisi rreth orës 10:00 dhe zgjati 30 minuta.
Ambasadori amerikan shoqërohej nga disa përfaqësues të ambasadës amerikane.
Takimi mes Markut dhe Lu, vjen vetëm një ditë pasi ky i fundit takoi kryedemokratin Lulzim Basha dhe kryetaren e LSI, Monika Kryemadhi.
Krerët e opozitës zhvilluan një protestë të dhunshme ditën e hënë, kundër zgjedhjes së kryeprokurores së re.
***
Arta Marku prezantohet sot me vartësit
Kryeprokurorja e re Arta Marku ka thirrur sot në një takim të gjithë prokurorët e Prokurorisë së Përgjithshme.
Takimi do të mbahet në ambientet e Prokurorisë, ku Marku do të prezantohet tek vartësit e saj dhe më pas ajo do të takohet me Drejtuesit e Prokurorivë në Rrethe.
Takimi i sotëm i thirrur nga Kryeprokurorja e Përgjithshme e Përkohshme, Arta Marku, është i pari që ajo bën me vartësit e saj që pas marrjes së detyrës ditën e hënë.
Kryeprokurorja e Përgjithshme e Përkohshme Arta Marku u zgjodh ditën e hënë mes flakadanëve dhe protestave të deputetëve të opozitës.
a.ç
