Prej pesë vjetësh Siria është përfshirë në një luftë të përgjakshme civile dhe qindra mijëra njerëz janë larguar nga vendi. Por, ka edhe që shkojnë. Një linjë autobusi vazhdon të funksionojë si më parë, duke përshkruar linjën e rrezikshme nga Bejruti në Al Raqqa, që cilësohet si kryeqyteti i ISIS.
Njerëzit nxitojnë të pijnë cigaret e fundit dhe të ulen në sediljet e autobusit, që udhëton vetëm në një drejtim. Shumë udhëtarë kanë fshirë fotot nga celulari dhe e dinë se jeta e tyre është në rrezik, raporton CNN.
Linja e lidhjes së dy qyteteve ka ekzistuar prej kohësh, ndërsa nga qershori 2013, kur Al Raqqa ra në duart e milicëve të ISIS, ajo ka ndryshuar shumë. Gratë duhet të kenë të afërmit në udhëtim, ndërsa burrat të rrisin mjekrat, përcjell Bota sot, duke ju referuar shoferit të autobusit.
Rreth 24 orë zgjat udhëtimi nga Bejruti në Rakka, duke kaluar përmes Damaskut dhe Palmirës. S’është çudi të shohim hedhje dhe shpërthime bombash pranë autobusit, thotë shoferi. “Kjo është normale”.
