Gjykata e Apelit e ka cilësuar si të pabazuar ankesën e ish-prokurores, Vahide Badivuku, e cila ka kërkuar që ta hedhë poshtë aktakuzën. E njëjta përgjigje i është kthyer edhe të akuzuarit tjetër, Idriz Kelmendi, shkruan Koha Ditore. Pretendimet e të akuzuarve për aktakuza të kundërligjshme, fillimisht janë hedhur poshtë javë më parë nga gjykata e shkallës së parë.
Veç Badivukut e Kelmendit, i akuzuar është edhe Isak Smakolli. Ndërsa ish-prokurorja akuzohet për dy vepra penale: keqpërdorim të detyrës zyrtare, si dhe marrje ryshfeti, Kelmendi e Smakolli akuzohen se në bashkëpunim, në mënyrë të drejtpërdrejtë apo të tërthortë kanë ndikuar në vendimmarrjen e personit zyrtar, përkatësisht në detyrën e ish-prokurores.
